ლეგენდარულმა ჰიპ-ჰოპ არტისტმა, დოქტორ დრემ, აუდიო-ვიზუალური ნაშრომი გამოაქვეყნა, რომელიც ასევე ლეგენდარულ, ცოტა ხნის წინ დაღუპულ კობი ბრაიანტს მიეძღვნა. ვიდეოს პრემიერა NBA-ის ყველა ვარსკვლავის მატჩში შედგა.
ვიდეო ასახავს ისეთ სახასიათო მომენტებსა და შტრიხებს, როგორებიცაა 24 ნომერი, შავი მამბა (კობის მეტსახელი და გველის სახეობა), ბრაიანტის დებიუტი, ასევე სიმღერები - California Love და We Will Rock You.
კობი ბრაიანტი და მისი ქალიშვილი, ჯიანა, კალიფორნიაში, კერძო ვერტმფრენის ჩამოვარდნის შედეგად გარდაიცვალნენ. მათთან ერთად, ვერტმფრენში 7 ადამიანი იმყოფებოდა.
