"ბარსელონას" კაპიტანი, ლიონელ მესი ოფიციალურად გახდა 2017-18 წლების სეზონის ოქროს ბუცის მფლობელი.
მესის აღნიშნული ჯილდო მეხუთედ გადაეცა. ამ მაჩვენებლით ის ისტორიაში შევიდა, რადგან აქამდე ოქროს ბუცი ხუთჯერ არავის მოუგია. შეგახსენებთ, რომ მიმდინარე სეზონში მესი "ლა ლიგის" ბომბარდირია 14 გატანილი ბურთით. ჩემპიონთა ლიგაზე კი არგენტინელ სუპერვარსკვლავს 6 გატანილი ბურთი დაუგროვდა.
