ლივერპულის ტოპ-3 ქამბექი ევროტურნირებზე (ვიდეო)
4 წლის წინ
ვიდეო მიმოხილვები
4 წთ
"მილანი" 3:3 (2:3 პ.) "ლივერპული"
2005 წლის მაისში, სტამბოლში გამართული ფინალი ჩემპიონთა ლიგის ისტორიაში ერთ-ერთ საუკეთესო ფინალადაა აღიარებული. დრამატული ფინალის პირველივე წუთზე პაოლო მალდინიმ "მილანი" დააწინაურა. 39-ე და 44-ე წუთებზე კი ერნან კრესპომ კიდევ ორი გაუტანა "ლივერპულს" და პირველი ტაიმის შემდეგ ტაბლოზე გამანადგურებელი ანგარიში (3:0) დააფიქსირა. ნაკლებად წარმოსადგენი იყო, რომ "ლივერპული" სამ ბურთიანი სხვაობის აღმოფხვრას შეძლებდა - თუმცა ჩემპიონთა ლიგაზე სასწაულები ხდება. მერსისაიდელებს ანგარიშის გასათანაბრებლად ზუსტად 6 წუთი დასჭირდათ. 54-ე წუთზე სტივენ ჯერარდმა პირველი გოლი გაუტანა "მილანს". ზუსტად ორ წუთში ვლადიმირ შმიცერმა სხვაობა მინიმუმამდე შეამცირა, მე-60 წუთზე კი ხაბი ალონსომ წონასწორობა აღადგინა. მატჩის ძირითადი და დამატებითი დროში მეტი გოლი აღარ გასულა. პენალტების სერიაში კი "ლივერპულის" ფეხბურთელებმა იმარჯვეს და გამაოგნებელი ქამბექით აღაფრთოვანეს სრულიად საფეხბურთო სამყარო."ლივერპული" 4:3 (5:4) "დორტმუნდი"
მორიგი დრამატული ქამბექი "ლივერპულის" შესრულებით. 2015/16 წლების სეზონის ევროპის ლიგის 1/4-ფინალური ეტაპზე "ლივერპული" "დორტმუნდს" დაუპირისპირდა. იურგენ კლოპს მისი ყოფილი კლუბის ბარიერის გადალახვა მოუწია. დორტმუნდში გამართული მატჩი ფრედ 1:1 დასრულდა. საპასუხო მატჩში "ლივერპული" ფავორიტის სტატუსით სარგებლობდა, თუმცა მერსისაიდელთათვის მოვლენები არც ისე სახარბიელო სცენარით დაიწყო. ჰენრიკ მხითარიანმა მე-5 წუთზე სტუმრები დააწინაურა. ზუსტად ოთხ წუთში კი პიერ-ემერიკ ობამეიანგმა უპირატესობა ორამდე გაზარდა. "ლივერპულმა" თამაშში დაბრუნება მეორე ტაიმის საწყის წუთებზე მოახერხა. 48-ე წუთზე, დივოკ ორიგიმ სხვაობა მინიმუმამდე შეამცირა, მაგრამ 59-ე წუთზე, მარკო როისმა კვლავ გაიტანა და "დორტმუნდის" უპირატესობა გაზარდა. "ლივერპულმა" ამ ბარიერის დაძლევაც შეძლო. 66-ე წუთზე ფილიპე კოუტინიომ გაიტანა, 77-ე წუთზე კი მამადუ სახომ წონასწორობა აღადგინა. გადამწყვეტი აღმოჩნდა 91-ე წუთზე ჩაწოდებული ბურთი, რომელიც დეიან ლოვრენმა თავური დარტყმით "დორტმუნდის" კარსი გადაგზავნა და ტაბლოზე საბოლოო ანგარიში დააფიქსირა (4:3).
სხვა სტატიები
