ევროპაში ნელ-ნელა წინასასეზონო მომზადება იწყება და ამხანაგური მატჩებიც მრავლად იმართება.
ოთარ კიტეიშვილის "შტურმი" დაბალლიგელ "გლეისდორფს" შეხვდა და უგოლო პირველი ნახევრის შემდეგ, მეორე ტაიმში მეტოქეს ერთბაშად 4 გოლი გაუტანა ისე რომ არც ერთი არ გაუშვია და დამაჯერებლად იმარჯვა. გრაცელთა რიგით მესამე გოლი სწორედ კიტეიშვილის ანგარიშზეა.
გიორგი ქვილითაიას, გიორგი ბერიძისა და გიორგი ჩაკვეტაძის "გენტმა" დაბალლიგელი "მერელბეკე" 6:1 გაანადგურა. მატჩში ანგარიში მე-19 წუთზე სწორედ ქვილითაიამ გახსნა. "გენტის" მესამე და მეხუთე გოლები კი კლუბში ახლადდაბრუნებული ბერიძის ანგარიშზეა. აღსანიშნავია, რომ ბერიძემ "მერელბეკეს" შარშან ზაფხულში გამართულ ამხანაგურ მატჩშიც გაუტანა.